Parlamentario Xiomara Maduro ta elabora riba e reunion cu parlamento tabatin cu FCCA. E topico di FCCA a bin den discusion debi cu FCCA a keda presupuesta den presupuesto 2025. Segun Parlamentario Maduro e tempo ey a trece un nota di cambio pa aloca fondonan necesario pa FCCA por construi casnan social unda nan por haya 17 miyon florin pa asina por cuminsa traha 100 cas social. Pro e gobienro nobo di AVP –FUTURO a para esaki pa haci un investigacion.
Di otro banda e 2.7 miyon florin ta pa FCCA por indexa e prijsnan di huur , dus cu FCCA no mester subi e prijsnan di cas nan social. No ta un secreto cu pa 30 aña caba FCCA no a ricibi placa pa indexa e prijsnan di casnan social, pero e biaha aki si a haya. FCCA tin den su portafolio aki na Aruba 30% di e casnan traha rond di Aruba a keda traha cu ayudo di FCCA, sea cu e ta via di un hypotheek cu e hende nan a haya of tin personanan cu ta bezig ta huur un cas di FCCA unda cu nan ta haya un yudansa y cu ta haya esaki na un prijs cu ta cay den e categoria di huur social.
Personanan cu no tin entrada grandi , pero tog ta yega na un cas social unda cu nan ta paga huur di e cas na un suma hopi hopi abou. Tur esaki ta posibel debi cu gobierno di Aruba ta manda un placa pa FCCA como subsidio pa asina FCCA por brinda comunidad un prijs hopi abou.
Sinembargo parlamentario Xiomara Maduro ta indica cu e realidad ta cu FCCA cu tempo tin dificultad pa por haya placa pa asina FCCA por sigui traha e cas nan social. Actualmente na Aruba tin mas di 3600 peticion pa cas social na FCCA, esaki ta cifranan prome cu pandemia. E realidad ta cu na momento cu mas hotel a bin acerca na Aruba, esey a pone cu a bin mas peticion pa e casnan social tambe.
FCCA di su banda a trata di tur manera pa yega na fondonan barata unda cu a purba localmente unda cu ya caba FCCA ta presta placa for di un consorcio, un consorcio ta un grupo di diferente gruponan den nos comunidad cu ta presta placa na FCCA. Sinembargo na momento cu FCCA ta presta for di e consorcio aki e no ta haya e prestamo na un porcentahe hopi abou cu e por brinda e prijs di e cas hopi mas abou pa esnan di menos recurso.