E siman akí, GGD/Salubridat Públiko Boneiru, ku ta forma parti di EPB, a inisiá e programa di fruta na Kolegio Emmy Schermer i Kolegio San Luis Bertran. Ku e paso akí EPB ta invertí dirigí riba salú, oportunidat igual i mihó prestashon eskolar di hubentut boneriano.
For di awor alumnonan di Kolegio Emmy Schermer y Kolegio San Luis Bertran lo risibí tur siman porshon di fruta fresku. Esaki ta parti di un enfoke mas amplio ku ta embolbí tur skol na e isla.
Hasi eskoho salú mas fásil
Investigashon resien (Global School-Based Student Health Survey Bonaire 2023) ta mustra ku 84% di hóbennan na Boneiru no ta kome e kantidat rekomendá di dos fruta tur dia. Ofresiendo fruta na skol, EPB ta enkurashá kustumber pa kome salú i ta bira mas fásil pa tur mucha haña e nutrientenan nesesario tur dia.
“Hubentut salú ta e base pa futuro di Boneiru,” asina Nicolette Verduin, hefe di Salubridat Públiko di GGD Boneiru ta bisa. “Ku e programa di fruta nos ta tuma un paso importante pa oportunidat igual pa tur alumno, apesar di nan situashon na kas.”
Parti di un enfoke mas amplio
E programa di fruta ta un di e promé logronan konkreto basá riba e programa ‘Kuminda Eskolar Salú Boneiru’, ku a inisiá na 2024 ku un fase di eksplorashon. Na novèmber 2024,tabatin un programa piloto na vários skol. Na skol básiko Rayo di Solo y Strea Briante a ofresé un desayuno salú i na Scholengemeenschap Bonaire, a kuminsá ofresé durante oranan di skol.
E konosementu atkirí ku e programa piloto akí a kondusí na un ekspanshon paso a paso na 2025, e programa di fruta t apa tur skol.
Na mes momento EPB ta traha estrechamente ku Stichting Voedselvoorziening Onderwijs Scholen (SVOS). Pa hopi aña kaba, e fundashon akí ta sòru pa kuminda eskolar pa mucha ku mester esaki. E kolaborashon ta dirigí riba : logra mas tantu alumno ku tin benefisio di kuminda na skol i sigui mehorá kalidat nutritivo di e kumindanan.
Konstruyendo skol salú huntu
E ambishon ta pa implementá e programa di fruta na tur skol básiko i skol sekundario na Boneiru den transkurso di aña 2025. Ta pone hopi atenshon na partisipashon di mayornan, koperashon ku timnan di skol i partnernan eksterno. Edukashon di nutrishon, i maneho di nutrishon na skol tambe ta inkluí den e plannan pa futuro di e programa di Kuminda Eskolar Salú.
“Un generashon salú ta kuminsá ku bon kustumber. Ofresiendo fruta na skol na un manera fásil i aksesibel nos ta sòru pa hóbennan sera konosí ku diferente tipo di fruta i siña kustumber salú. E inisiativa aki no solamente ta kontribuí na nan bienestar, pero tambe ta enrikesé nan konosementu i perspektiva pa hiba un bida mas salú, ” segun Allan Carolina, lider di proyekto Healthy School Meals of Public Health/GGD Bonaire.”