For di 18 di mei te ku 28 di mei 2025, Boneiru ta selebrá ku orguyo e di kuater edishon di Siman di Múzik pa Mucha, ku e tema “Soña”. E periodo festivo aki ta pone enfasis riba importansia di múzik positivo pa desaroyo i kresementu di mucha.
Kampaña: “Mucha mester tende kantika di mucha”
Huntu ku Siman di Múzik pa mucha ACE Foundation ta lansa e kampaña di konsientisashon “Mucha mester tende kantika di mucha”. E kampaña ta un yamada na mayornan i lidernannan pa duna mucha oportunidad pa tende múzik ku ta pa nan edad, ku ta stimula norma i balor, nan desaroyo personal positivo i nan soñonan.
Fechanan Importante
7 di mei: Lansamentu di e kantika “Kanta Positivo” Un kansion komponé pa Xechel “BAUCO” Jacobs i produsí pa ACE Foundation.
12 di mei: Nos lo lansa e pakete di kantika pa siman di muzik pa mucha inklui e tema ku ta “Soña” huntu ku su videoclip riba kanal di youtube di ACE Foundation.
18 di mei: Aperura ofisial di Siman di Múzik pa mucha ku presentashon di e teater musilkal “Mi Melodia” i tambe e videoclip
24 di mei: Selebrashon prome lustro di ACE Foundation ku presentashon di Jacobs Family i ACE Tweens.
28 di mei: Seremonia di klousura ku parada musikal i presentashon di talentonan di diferente skol i/of akohidanan.
Evento di Aperura – 18 di mei
Aperura ofisial lo tuma luga djadumingu 18 di mei di 6:00 anochi na Creative World. E evento ta habri pa un grupo limitá di hende, pero ront mundu lo por sigui e evento via livestream. Durante e evento aki, ACE Foundation lo estrena e teater musikal “Mi Melodia”.
Fiesta di klousura – 28 di yüni: Siman di Múzik pa Mucha lo finalisá ku un parada festivo ku mucha di skol i akohidanan, i lo bai tin presentashonnan musikal di diferente skol.
Pa informashon i reservashon:
Telefon: +599 7900155 of e-mail:acesbonaire@gmail.com
Laga mucha krese aktivo ku kantika positivo – laga nan soña, kanta i florese!