Ta bo mes pensamento ta revela ken bo ta, pasobra tur cos ta cuminsa den bo pensamento, pensamento bon ta trece actitud bon, y di respet. Pero pensamento malo ta trece maldad, redashi,problema, y mal reputacion.
Hopi biaha ora nos mira hende ta papia malo di otro, pero sin ningun base, simplemente pa susha, of pa cohe ventaha personal , of yamando atencion pa nan mes, bo ta pensa ta dicon, kico por pone un hende ta rebaha otro asina tanto y ta na unda e base ta , awel e base ta den e mente cu ta pensa maldad y solamente pa via di maldad e por avansa, un no ta kier e no kier, ta por e no por opina otro , pasobra su pensamento ta malo. Y ora un persona sigi indentifica su mes den un forma negativo,bo ta reconoce ki tipo di pensamento ta biba den dje.
Un di e cosnan cu ta kibrando Famia ta mal pensamento, hopi papiamento malo, hopi negativismo, ta sacudi e balansa di Famia. Critica infunda, redu,tiramento di palabra,y esun di mas grandi ta Desconfiansa.
E pensamento di un hende tin control di 95% di su bida, pasobra locual ta domina bo pensamento ta domina bo bida, tur cambio ta cuminsa den pensamento, y di mal pensamento pa capricho, y di capricho pa amargura , y di amargura pa perdemento di cabes. Si un hende cu pensamento di suicidio no wordo yuda na tempo y especialmente yudansa Spiritual, por sosode cu segun tempu ta pasa, su pensamento por domina su bida y asina e pone fin na su bida.
2 Corintio 10 vers 4 y 5 ta bisa nos asina aki: Pasobra e armanan cu nos ta bataya cune no ta carnal, ma poderoso den Dios pa basha e fortinan abao , pa destrui e speculaciony tur arogancia cu ta wordo lanta contra e conocemento di Dios, hibando den cautiverio tur pensamento , pa haci nan obedecido na Cristo. 6 Nos ta cla pa castiga tur desobedencia unabes cu boso obedencia ta completo.
Tur pensamento di Violencia domestico, Falta di pordon,Abuso di mucha,Adulterio, Redu, Desconfiansa, mester cay na suela, pa asina bo famia por lanta cabes,mientras cu tin hende den cas ta cana cu mal pensamento, no por tin paz. Si locual bo ta pensa no ta Alinea cu e palabra di Dios, pidi Dios yudabo y cambia bo pensamento, pa asina bo por tin un relacion berdadero cu Dios y cu bo Famia, pasobra Spirito Santo no por goberna caminda tin mal pensamento, Spirito Santo mester di un mente limpi, pa e por duna instruccion, pasobra hende cu mente sushi semper kier haci cosnan segun nan mes.
Bo no por guia bo Hogar, Famia, Institucion , Ministerio, cu un mente malo, cual ta e Fundeshi di desconfiansa. Pensamento malo no ta bini di Dios. Ora bo no ta confia ningun hende bo mester di yudansa di Dios, pasobra bo mester alinea bo pensamento cu e boluntad di Dios.
Lesa pa bo mes den Beibel, Rey Saul tabata pensa y haci maldad, David tabata actua den nomber di Jehovah de los Ehercito y e a vence Goliath. Absalon y Ahitofel tabata contra Rey David, David tabata haci oracion, y Absalon y Ahitofel tabata pensa y haci malo .Laga nos wak kico tabata e final di Absalon y Ahitofel.
Pidi Señor Dios Altisimo pa aleha tur mal pensamento for di bo bida , bo cas y bo famia, pasobra mal pensamento ta daña ambiente familiar y no ta trece paz.
Tuma un decision awe mes di no biba pa pensamento di hende , pero somete tur bo pensamento na e boluntad di Dios y asina ricibi su bendicion.
