Un politico por drenta gobierno y pensa nos kier mas desaroyo economico, pero te ainda no a scucha ningun politico bisa ban para keto un rato y drecha e producto Aruba. Un situacion alarmante cu tin na Aruba cu kier mira desaroyo desaroyo, pero tur dia e producto Aruba ta bay atras mirando cu desaroyo ta keda continua sin cu tin e mankracht.
Pueblo ta bon cla cu no ta interesa mas den desaroyonan economico, pero ta interesa den stabilidad como hende y e producto Aruba haya e forsa bek, Sinembargo politiconan no ta scucha e pueblo y ketobay ta keda haci loke nan kier conscientemente cu e producto Aruba no por carga mas desaroyo.
Tur cos den bida tin dos banda porehempel si bo ta train bo ta descansa, despues ta bolbe train y ta descansa. Hubert Dirks di Compra ta kere cu Aruba mester para keto un rato y wak bon con Aruba kier sigui, kico ta beneficia Aruba. Lamentablemente te ainda ningun hende no a deliña con Aruba mester sigui.
Porehempel ta mira cu Aeropuerto ta keda busca ma liña di aviacion , pero bo no por keda busca liñanan di aviacion si abo como Aruba tin capacidad pa ricibi e turistanan. Bisa cu tin mas turista berdad ta sexy y e ta politicamente interesante, pero esey no ta mas importante. Loke cu ta importante ta cu Aruba mester keda den balans y actualmente e no ta . Bo Pais, bo pueblo mester ta bon pa bo por ofrece un turista un calidad, actualmente tin hotelnan di 5 pa 6 strea tin cierto exigencianan di calidad unda cu nan ta exigi productonan di 5 pa 6 strea y como comerciante mester inverti pa duna e hotelnan aki e servicio pa nan por haya nan productonan cu nan ta exigi sino no por haci business cu nan.
Hubert Dirks di Compra ta kere cu e sistema ta un cadena cu mester sigui y na momento cu un gobierno tuma un decision prome cu tur cos mester wak como Pais si Aruba por carga esaki na tur e schakkelnan cu tin den e supply chain, esakino ta conta solamente pa cuminda pero pa diferente otro cos.
Segun Hubert Dirks di Compra e problema cu nos tin na Aruba ta cu e desaroyo a bay hopi lihe y nos como Arubiano, companianan local , infrastructura exct exct no a bay mes lihe cu e desaroyo y esaki ta trece un desbalance y e ta trece un problema diariamente. Sinembargo e problema cu ta mira diariamente no ta trata di inversion, ta ser papia di inversion pero e problema real ta mantencion.
Lamentablemente nada na Aruba no tin un mantencion Aruba tin hopi pa ofrece pero e realidad ta cu nada no ta wordo manteni, esaki ta e problema primordial di Aruba. Esaki no ta conta solamente pa e gobierno cu e departamento nan concerni no ta traha cu mantencion, pero lamentablemente comerciantenan tambe no ta gusta saca placa pa mantencion di nan producto.