Na comienso di februari Minister Maduro di Finansa a ricibi bishita di Fitch Ratings cu cual
compania Gobierno di Aruba ta trahando ya pa 25 aña. Pa conmemora e aniversario aki di
trabou, Minister Maduro di Finansa a brinda e ehecutivonan di Fitch un pida bolo preto manera
ta nos custumber Arubiano ora di celebra un aniversario importante. E mandatario den presencia
di e ekipo di Departamento di Finansa a gradici Fitch Ratings pa e 25 aniversario di trabou na
bienestar di Pais Aruba.
Minister Maduro di Finansa a haci uzo di e oportunidad tambe pa gradici e ehecutivonan di Fitch
Ratings pa e bon relacion di trabou hiba e ultimo 7 aña cu e mandatario tabata encarga cu e
cartera di finansa pa Aruba. Tabata un periodo den cual Aruba a pasa den menos bon tempo di
un pandemia y den bon tempo di un recuperacion grandi riba e tereno di finansa publico. Na final
di e encuentro, Minister Maduro a expresa cu e tin tur confiansa cu na fin di su mandato, Aruba
lo por bay conta atrobe cu un grado di inversion cerca Fitch Ratings manera tabata na varios
ocasion durante e 25 añanan tras di lomba.
