Minister Geoffrey Wever ta broma cu pluma di trabounan di minister Xiomara Maduro
Parlamentario Xiomara Maduro a tuma nota di e biahe di Minister nobo di finansas Geoffrey Wever cu ta un show, tur e reunionnan cu ta tumando luga na IMF ta trabounan cu a wordo haci caba pa Aruba. Tur e trabounan a wordo haci door di profesionalnan cu a lidera e proceso durante cu Aruba tabata pasa den momentonan dificil. Ex minister di finansas Xiomara MAduro ta indica cu tur e trabou mes a wordo haci caba pa Aruba. Tur e trabounan cu a wordo haci ta hunto cu su persona y e ekipo cu a bin ta lidera tempo cu tabata minister di finansas y hunto a haci e trabounan aki pa Aruba.
Ex minister Xiomara Maduro cu awe ta parlamentario ta duna di conoce cu lo yama minister di finansas pa bin parlamento pa asina bin duna splicacion di e situacion cu ta pasando den mundo unda cu e tarifanan cu presidente di Merca Donald Trump a papia riba e tarifanan aki y a anuncia kico lo sosode , pero lamentablemente te ainda na Aruba Minister di finansas Geoffrey Wever no a bisa nada riba e parti aki.
Pa loke ta trata e reunionnan di IMF ta reunionnan cu ya caba a haci pa Aruba y a logra cosnan grandi pa Aruba. Awo cu minister di finansa a bay IMF e lo haya sa hopi lihe con importante e surplus cu Aruba tin riba presupuesto di Pais con importante e ta.
Ironia di bida minister Geoffrey Wever cu awe ta minister di finansas ta netamente e minister cu ta esun cu a critica siendo parti di Gabinete Wever Croes II, unda cu e mandatario ta dos cara y ta hunga wega di falsedad y a haci chercha di e surplus cu Aruba a logra. Geoffrey Wever a cherche riba e surplus unda cu ta bisa cu Aruba tin surplus pero cu e frigidare ta bashi y surplus no tin nomber ect ect. Sinembargo cu tur e cherchanan aki hopi lihe Minister di finansas Geoffrey Wever ta haya un para y haya sa cu loke cu e la chercha di dje e lo haya sa con importante e surplus ta pa Aruba.
Pa Aruba tin un surplus ta trabounan cu a bin ta haci pa trece locual ta presupuestario na ordo unda cu despues di 15 aña bou di maneho di minister Xiomara Maduro ta logra trece presupuestonan di Pais Aruba na ora na Parlamento. Esaki sigur ta un proceso positivo pa Pais Aruba unda cu despues di hopi aña Aruba ta conta cu un surplus banda di ta entregando presupuestonan na ora. Tur e trabounan aki a wordo haci bou di maneho di gabinete Wever Croes I y II den anja 2023-2024 y 2025.
IMF sa di e trabounan cu a wordo haci y cu a bin ta mira e esfuerso cu Aruba a bin ta haci y Aruba ta un di a poco pais nan den e region aki cu tin un surplus despues di Pandemia. IMF mes tabatin un poco miedo pa Aruba, pero na momento cu a mira e resultadonan nan a mira cu asombro con Aruba a Sali for di e situacion aki. Claramente cu Aruba a Sali di e situacion cu yudansa di Hulanda, pero specialmente nan tin hopi aprecio, con nan a wak cu e pueblo di Aruba su dirigentenan tameb a bay cu un diligencia pa asina por logra pa Aruba por tin e surplus cu ta duna Aruba credibilidad finansiero den e mundo financiero.