Corte a trata e caso penal contra e homber G.A.J.Z.R. di 22 aña.
E sospechoso ta wordo acusa di a causa morto di e homber Essdras Daniel Tejada riba 3 di juli 2024 den
Pindastraat. Segun e investigacion, Z.R. a golpea e victima cu forza na su cabez usando un obheto duro y
skerpi, loke ta sali tambe di resultadonan di e autopsia. Fiscal ta considera cu tin suficiente prueba pa
acusa Z.R. di homicidio.
E sospechoso a declara cu e mester a defende su mes cu un pia di stoel contra Tejada, cu
supuestamente a menaz’e cu un cuchio. Durante e tratamento den Corte, e sospechoso a persisti den t
tur e declaracionnan cu el a haci anteriormente.
Sinembargo, e lesion di e victima no por wordo splica a base di un golpi cu un pia di stoel di palo y e
situacion di defensa legitimo cu a wordo treci pa dilanti, tampoco ta probable, segun fiscal di Husticia.
Fiscal di Husticia a exigi awe un castigo di prison incondicional di 9 aña contra Z.R.
Cu e acto aki e sospechoso a kita e posesion mas bunita y grandi cu Tejada tabatin: su bida. Un acto
irremediable asina ta sacudi e orden huridico di Pais Aruba profundamente y ta ser considera un di e
crimennan mas grave den derecho penal. El a causa profundo dolor y sufrimento cerca e famianan di e
victima.
Hues lo dicta sentencia riba 17 di april 2025.
Castigo di prison exigi den caso di homicidio den Pindastraat
