Iglesianan Cristian di Aruba ta organisa un anochi di gradicimento y oracion riba Plaza Padu diadomingo 31 di maart cuminsando 6:30 di atardi. Esaki ta di tres aña consecutivo cu ICA ta organisa oracion pa nos nacion den luna di maart riba Plaza Padu. E aña aki lo tin un toke diferente pasobra e organisacion internacional Musico a Musico lo tuma encargo di e parti musical cu canto di un coro forma pa esnan di diferente iglesia cu a asisti na sesionnan di training e weekend aki. Henter pueblo di Aruba ta bon bini pa asisti na e anochi di canto y danza intercambia cu oracion pa Aruba, pa famia, pa nos muchanan y pa e situacion mundial.
Iglesianan Cristian di Aruba
