E sintimento cu bo a sinti ora cu bo a mira nan y scucha nan den Magic Kingdom ta e poder cu talento artistico y creativo tin. Aruba su hendenan cosechando éxito den exterior c unan talento y loke cu Aruba ta brinda pa varios anja. Massive Brassband un di e grupo di brassbannan cu a keda kere den nan mes y a keda brinda nan talent musical durante varios anja den Carnaval di Aruba, awe por mira nan internacional cosechando exito y cu nan lo sigui cosecha exito mirando con profecional nan a tuma mundo di brassband.
Nos Arubianonan tambe por , esfuerso, energia, tempo, consistencia, disciplina y capital e ta tuma pa e artista logra cosnan asina. Awe por bisa Massive Brassband a logre.
Hopi hende no a kere den nan ni support nan, pero awe nos a mira unda nan a hiba nomber di Aruba, nos musica di asambeho y nos cancionnan: plataforma internacional. Pabien na cada un di boso.
Danki na nan curashi, cu apoyo di esnan cu SI a kere den nan. Un promocion impagabel! Un iniciativa cu a inspira, motiva y eleva miles di ser humano. Specialmente nos muchanan y nos hobennan.
E artista y creativo local tin mester di hopi mas apoyo y sosten. Aruba apoya bo hendenan y bo cultura , apoye y bibe.
Nos mester bira mas consciente di e balor y potencial di cultura y creatividad pa cu desaroyo cultural, social y economico di nos pais. Aruba bo ta chikito pero grandi di curason. Un pabien grandi na Massive Brassband bon trabao y Aruba ta orguyoso di boso tur.
