Minister di Defensa Ruben Brekelmans di 6 pa 8 di Yanüari lo bishita e islanan Kòrsou, Aruba i Sint Maarten. E bishita ta den e kuadro ku e unidatnan di Defensa ku ta ubiká einan i ku nan tareanan den Region Karibe. Na Kòrsou e Minister lo bishitá Base di Marina na Parera, Kazèrne di Marina na Suffisant i e Tereno di Ehersisio na Wakawa. Na Aruba e lo bishita Kazèrne di Marina na Sabaneta. Riba Djárason, 8 di Yanüari e lo bishitá tantu Wardakosta komo e punto di sosten di Marina na Point Blanche, kual ta e base mayor di e destakamentu di Marina na Sint Maarten. Banda di e introdukshon na e diferente unidatnan di Defensa, e Minister lo brinda un bishita na e Gobernadornan i Promé Ministernan di e Paisnan den Karibe Hulandes.
INVITASHASHON NA PRENSA
Minister di Defensa Ruben Brekelmans ta ekstendé un kordial invitashon na bo pa un momentu di sera konosí ku medionan di komunikashon durante su bishita di trabou na e tres Isalanan di Karibe Hulandes.
Kòrsou:
Fecha: Djamars 7 di Yanüari 2025
Orario: 08:30 – 09:30
Lokalidat: Entrada Prinsipal Tereno di Ehersisio Wakawa
Aruba:
Fecha: Djamars 7 di Yanüari 2025
Orario: 15:30 – 16:30
Lokalidat: Kazèrne di Marina na Sabaneta
Sint Maarten:
Fecha: Djárason 8 di Yanüari 2025
Orario: 15:00 – 16:00
Lokalidat: Punto di Sosten di Marina na Pointe Blanche
Registrashon:
For di awe bo por registrá te 1 dia promé ku e momentu en kuestion ku prensa, via Teniente Komandante Naval Marinka Hiraldo Vos-van Kooten (mail òf Whatsapp). Solamente atraves di un registrashon lo bo haña akseso na e lokalidat i lo bo por partisipá na e momentu ku prensa.