Delegacion di Bonaire, Sint Eustatius Saba a sigui nan esfuersonan pa busca dialogo y inclusion den e proceso di modificacion di e leynan WOLBES y FINBES.
E delegacion comun a ser bonbini dor di e miembronan di e comision di Relacionnan di Reino (Korel) di e prome camber. Durante e reunion, manera den e otro reunionnan, a enfatisa cu e delegacion di e isla tabata presente pa trata preocupacionnan tocante e proceso di tuma decision y pa pleita pa un dialogo habri, no un conflicto. E delegacion di e islanan a retira cu nan tabata presente como un unidad colectivo. Den bista di e posicion di e Secretario di Estado cu lo no tin dialogo cu e consehonan di e islanan, tabata crucial pa e delegacion papia cu e comite di e Prome Sala riba e importancia di consulta.
Un miembro di e delegacion comun a habri cu un declaracion cu a referi na e ley WOLBES y su memorandum di splicacion. E ley aki ta afirma cu un evaluacion di e ley mester wordo haci efectivamente y cu consentimento di tur tres isla.
E consehero constitucional, cu a compaña e islanan, a duna un bista di e norma supranashonal di e derecho di autodeterminacion, hancra den tratadonan y charteranan di derechonan humano. Tambe a haci referencia na articulo 132a di e Constitucion Hulandes, den cua e legislado formal a crea e fundeshi pa e structura unico di e islanan y e diferenciacion positivo.
E senadornan di e promé kamber a hasi preguntanan, entre otro preguntanan tokante opheshon pa e kambionan proponé. Un representante di e delegashon a splika ku e preokupashon prinsipal no ta e kontenido di e amandamentunan, sino e falta di un proseso inklusivo. E lista di akuerdo, ku a ser establesé den kolaborashon ku e eks sekretario di estado, awor ta suheto na kambio dor di e sekretario di estado nobo sin konsulta ku esnan ku a krea e lista.
E delegashon a klarifiká ku WOLBES i FINBES no por ser kompará ku ningun lei regular, ya ku e leinan aki ta e DNA konstitushonal di e islanan. Ta e prinsipio demokrátiko ku Reino Hulandes ta sostené ta kambia e konstitushon di un di su paisnan, sea Hulanda, Aruba, Curaçao òf St. Maarten. Maarten, mester di aprobacion di e instancianan democraticamente elegi. P’esei e konsehonan insular no ta di akuerdo ku e enkargo konstitushonal di e tres islanan ku ta ser modifiká sin inkluí e bosnan di tur representantenan di e pueblo.
E delegacion a reafirma nan compromiso cu un dialogo constructivo y a urgi decision-makers pa mantene e principionan di transparencia y cooperacion den formacion di e gobernacion futuro di e islanan. E peticion tabata i ta keda pa inclui nos, no pa informa nos.
E enkuentro a tuma lugá den un spirito di colaboracion, respet mutuo y husticia. E delegacion di e islanan ta mira bek riba un dialogo fructifero y ta keda dedica na continua cu nan esfuersonan pa tin e bosnan di Bonaire, St. Eustatius y Saba a tende.